Jausiz

Alain Mendizabal Diaz poeta gaztearen lehenengo liburua da Jausiz. Bilduma honetan, gainera, poemek bezainbeste garrantzia dute ilustrazioek. Amaia Belaunzaran Sanz, Ekhiñe Irazusta Arozena eta Karen Muñoz Etxebeste artisten eskuetatik jausitakoak dira horiek.

Edozein gorputz, bere pisuak eraginda, beherantz joatea da jaustea.

Jausi ohi dira zuhaitzak, ametsak eta baita malkoak ere. Azken hauen eskutik datoz, gehien bat, hurrengo orrietan aurki daitezkeen lerroak; negar terapiak, besarkadak eta biluzteak barne.