Argitaletxea Boltxe Kolektiboa

Boltxe Kolektiboaren zereginetako bat formakuntza marxista ematea da, marxismoa ezagutzeko funtsezko testuak euskal militanteentzat eskura jarriz, sozialismoaren aldeko askapen nazionalerako prozesua abian jartzeko ezinbestekoa iruditzen zaigulako. Gure ametsetako Euskal Herri libre eta independentea, gure borrokaren helburua, izaera sozialistarekin baizik ez dugu irudikatzen. Sozialismoa zientzia bat da, nahitaez ongi ezagutu beharrekoa, sozialismoaren blokea deitutakoak behea jotzea eragin zuten akatsak errepikatu nahi ez baditugu. Euskal Herrian eraikiko dugun etorkizuneko sozialismoak formakuntza sendoa behar du, klasikoen nahiz gaur egungo marxisten testu berrietatik datorkiguna. Ekintzarako marxismoa behar dugu, ez erudituak sortzekoa, kalean marxismoaren alde borrokan egotekoa baizik.