Une honetan ez duzu ezer saskian. 
'Mr. Señora' liburua aurkeztu dugu Kaxildan |
Gaur goizean, Oier Guillanek idatzitako Mr Señora liburua aurkeztu dugu Donostiako Kaxilda liburudendan. Zazpi antzezlanez osatuta dago Guillanen lana. Ironiatik, elkartasunetik eta probokazioarako gogotik sortuak dira eta pentsamendu bakarraren kontra idatzitakoak. Batez ere, norberarena den pentsamendu bakar horren kontra. Generoaren inguruko hausnarketa eta gogoeta intimoak eta, aldi berean, politikoak biltzen ditu lanetako bakoitzak. Honela, norberak bere buruaren inguruan muntatu duen armairutik ateratzeko deia izan nahi du Mr Señorak. Dei askatzailea guztiz. Edo ez...
Mikel Soto izan da Txalaparta argitaletxearen izenean hitz egin duena egileari hitza eman aurretik. Oier Guillan idazleaz gain, Idoia Beratarbide, liburuaren ilustratzailea bertan izan da ere.
Eta antzezlanak baldin badira liburuaren osagaiak, Ainhoa Alberdi, Joseba Roldán eta Oier Guillanek, liburuaren pasarte baten irakurketa dramatizatua egin dute aurkezpenari amaiera emateko.
BIDEOAK: HITZEN UBERAN
Iruzkinak 0 iruzkin