Fermin Muguruza Kontrabandak Bartzelonan grabatutako kontzertuarekin Apolo 21/01/04 diskoa osatu eta iragan ostegunean, hilak 27, Bartzelonan aurkeztu genuen Espai Obert izeneko Centre Socialean eginiko prentsaurrekoan. Taldearen biraren testigantza uzten duen dokumentu-kaiera honetan 80 minutu musika, argazkiak eta informazio andana aurkituko duzue. Dakizuenez Fermin Muguruza Kontrabandak Madrilen jo izan ahal zuen azkenean maiatzaren 22an Rivas Vaciamadrid herriko Cerro del Telegrafo pabilioian. Alta, ez zen kontzertu samurra izan. Izan ere, herriko alderdi popularreko zinegotziek lehenik eta Madrilgo Erkidegoak ondotik, berau bertan behera gera zedin saiatu ziren. Kontzertua azkenean egin, egin zen nahiz orain La Dinamo kolektiboa, kontzertuaren antolatzailea, bere aurkako kanpaina bat jasaten ari den.