Hitzak, batzuetan, oso baliotsuak izaten dira. Dena dela, oso labur geratzen dira zenbait sentimendu eta sentsazio deskribatzeko garaian. Une horietan musikak agertzen du bere balioa. Hitzaren zentzua desagertzen hastean, musikarenak hartzen du lekua. Hitzaren beherakada eta musikaren gorakada elkarrekin topatzen diren puntu orekatu horretan datza kantuaren ahala. Abesti on baten mailako komunikazio-biderik ez da oraindik ezagutu. HESIAN talde altsasuarrak horrelako kantuak konposatzen ditu.