Gure diskogintzaren hastapenetik ekoitzi eta argitaratu diren milaka diskoen artetik, banaka batzuk funtsezkoak direla esan dezakegu, gure oroimenean distira berezia sortzeaz gain, gure musikaren eta musika industriaren garapenerako ezinbesteko erreferentzia baitira.Horren harira, Elkar Musikak binilo bilduma bat aurkezten dizue. Gure musikaren ibilbidean oraindik ere erreferentzia diren hainbat disko bere jatorrizko euskarrian eta formatuan berriro argitaratuz, nolabait, gure iturburuak hobeto ezagutzeko aukera izango dugu eta horren ondorioz, orainaldia hobeto ulertzeko balioko du, zalantzarik gabe.Bildumaren presentzia ezin zainduagoa duzu, 180 gramoko biniloak; master guztiak Elkar estudioko Jean Phocas teknikariak gainbegiratuak eta egokituak dira, liburuxka guztiak eguneratuta eta osatuta daude (letrak, argazkiak...)