Bost urteren ondoren, Aiko taldeak dantza tradizionalez osaturiko CDa argitaratu du. Grabazioek, erritmoek eta piezen ordenek taldearen dantzasaio bat gogorarazten digute. Pieza guztiak berriak dira, hori bai, modu tradizionalean idatziak eta interpretatuak: pasodobleak, jotak, jauziak, txotisak... Bolero, habanera eta tangoren bat ere bai tartean! Lan honetan Aitor Furundarena (eskusoinua), Alvaro Garcia (gitarra), Asier Garcia (danborra) eta Sabin Bikandi (txistua) aritu dira lanean.