Aina Bestard Vilà

1981 (Mallorca)

Ilustratzaile eta diseinatzailea da. Umetan, aitonak marrazten erakutsi zion, zale amorratua baitzen. Aita antropologoa eta ama artista du, eta, Ainak egindako liburuak ikusita, esan daiteke guztiengandik jaso duela zerbait. Diseinu grafikoa ikasi zuen, eta horri loturiko lanetan jardun den arren, gaur egun umeentzako liburuak egiten ditu; hamaika hizkuntzatan argitaratu dira eta hainbat sari jaso ditu horiengatik. Esate batera, Lurreko paisaia galduak album arrakastatsuarekin jaso zituen 2021eko Bolognako jaialdian aipamen berezia ez-fikziozko liburu onenari eta Nafarroako Liburu-denden 2021eko liburu ilustratuari saria.