Antton Kazabon Amigorena

1954 Oiartzun (Gipuzkoa, Euskal Herria)

Oiartzungo Haurtzaro ikastolan irakasle eta zuzendari izandakoa. Gipuzkoako Ikastolen Elkartean hiru urtez lanean ibili zen "Bertsolaritza irakaskuntzan" proiektuan, eta Euskal Herriko Bertsozale Elkartean gai jartzaile, epaimahai buru, aurkezle, komentarista eta bertso jartzaile ere izan da. Idazketari dagokionez, 1987an argitaratu zuen lehenengo liburua Haur eta Gazte Literaturan, Letrak bertsotan (Elkar), eta 2020an ehungarrena, Mikel Larson (Erein). Txalapartan, Hamaiketan igerilekuan argitaratu zuen Axuri Beltza bilduman bertan, Aitziber Alonsoren ilustrazioekin.