Bartolome Segui Nicolau

1962 Palma de Mallorca

Komiki idazle eta ilustratzailea, 1983an ekin zion lanbideari, Metropol aldizkarian aurreneko istoriotxoa kaleratu zuenean. Ordutik, komiki aldizkari askotan dihardu, besteak beste, El Víbora, Cairo, El Jueves, Madriz, Medios Revueltos, Nosotros Somos Los Muertos eta BDbanda. Gainera, A salto de mata plazaratu zuenetik 10 komiki monografiko kaleratu ditu. Egunero komiki tira bat argitaratzen du Última Hora kazetan, eta Sonia Delgadorekin batera Esquitx haurrentzako aldizkaria egiten du. Las serpientes ciegas izeneko lanak 2009ko Komikiaren Sari Nazionala jaso zuen.