Federico Krutwig Sagredo

1921 Getxo (Bizkaia, Euskal Herria) - 1998 Getxo (Bizkaia, Euskal Herria)

politikari eta idazlea, 1943an Euskaltzaindian sartu zen. Hamaika urte geroago hitzaldi sutsu bat eman zuen, eta horren ondorioz mugaz bestaldera joan behar izan zuen, “antzinako izpiritu separatista berpiztu” nahi izateaz akusatuta. Iparraldean erbesteratuak eta Jagiko kideak ezagutu zituen. 1961etik aurrera ekin zion bere libururik famatuena izanen zen hori idazteari, Vasconia (1963). 1964an, Frantziatik egotzia, ETAko V. Batzarrerako bi txosten idatzi zituen. 1975. urte inguruan erakundearekiko lotura eten zuen, baina militanteekiko harremanari eutsi zion. Zenbait argitalpenetan kolaborazioak egiten zituen, hala nola, Egan, Gernika, Euskera eta RIEV-en. Lehen aipatuaz gainera, beste liburu hauek ere argitaratu ditu orain baino lehen: La cuestión vasca (1965), Vasconia y la nueva Europa (1976), La Nueva Vasconia (1979), Belatzeen Baratza (1979) eta Computer Shock Vasconia (1984).