Atsoa

Historian doktorea da, Antzinaroa adarrean, Bartzelonako Unibertsitate Autonomoan. Badira hamar urte Euskal Herrian bizi dela, eta bertan hasi da beste gai batzuk lantzen. Amatasunaren eta emakumearen historiaren dibulgazioan jardín du batez ere; ildo beretik, besteak beste, Maternalias. De la historia de la maternidad (Ed Obstare, 2013) monografia kaleratu du, eta Mujeres que cambiaron la Historia (2018) eta La mujer en la Antigüedad Clásica (2015) kultur ikastaroak prestatu eta eman ditu Gasteizko gizarte-etxeetan. Amen artean tailerrak ere antolatu ditu Jabetze Feministarako Eskolan. Hainbat hedabidetan parte hartu du; azkenaldian, esate batera, Alea astekariko zutabegile dabil.

Caterina Albert i Paradís, luma-izenez Víctor Català (L'Escala, 1869 - 1966), idazlea, margolaria eta eskultorea izan zen. Gazte-gaztetik hasi zen idazten, Solitud (1905) eleberriak eman zion behin betiko aitortza, eta modernismoaren ikurtzat hartzen da egun. Halere, gehiago izan ziren argitaratu zituen pieza laburrak, XX. mendearen lehen urteetatik gerraondorainoko 50 urteetan. Orotara zazpi ipuin-liburu argitaratu zituen, bai eta bi nobela, bi poema liburu, antzezlanak eta kutsu biografikoa zuten testu batzuk ere. Errealismoaren eta sinbolismoaren arteko estiloa zerabilen, idazkera zainduaz betiere, eta oso presente daude haren lanetan genero ikuspegia eta izadia. Bere luma-izen osoa Víctor Català i Montseny izan zen, baina bere bilduma pribaturako gorde zituen olio pintura, eskultura eta akuarelak Caterina Albert izenez sinatu zituen.