Une honetan ez duzu ezer saskian. 
- Home
- Nobedadeak
- Bobby Sands
Bobby Sands Martxa baten lehen notak
1981eko maiatzaren 5ean, 66 eguneko gose-grebaren ostean, Long Kesh kartzelako ospitalean hil zen Bobby Sands. Ipar Irlandako langile-klaseko familia batean hazitako gaztea. IRAko boluntarioa. Britainiar parlamentaria. Poeta. Mugimendu errepublikanoko liderra. Bera eta beste bederatzi burkide heriotzeraino eraman zuen borrokak mundu mailako ikono bihurtu zuen. Hala ere, Denis O’Hearnek biografia hau idatzi zuen arte ezer gutxi genekien haren bizitzaz. Orriotan, gazte engaiatu baten bizitza kausitzen dugu, West Belfasteko kaleetatik mugimendu errepublikanoko zuzendaritzara eraman zuen ibilbide koherente eta eskuzabala. Bobby Sands eredu izan da mundu osoko borrokalarientzat; hona hemen iraultzaile handi baten bizitza eta duintasun-testigantza.
Xehetasunak
Informazio gehiago
Iruzkinak 1 iruzkin
Egilea/k ezagutu
Martxa baten lehen notak liburua gomendatzen dut. Zeinen gogorra den, baina zeinen interesgarria. Hangoa eta hemengoa erkatzeko gogoeta-harrobi guztiz baliotsua. Garbitasun-greba eta gose-greba ikaragarri haiek, heriotzarainokoak, eta dena POW estatutua (Prisoner of War) esijitzearren, Brit-ek inposaturiko kartzela-uniformea ez onartzeagatik. Eta Bobby Sandsen irudi osoa, bere argi-ilun guztiekin: militantea, poeta, suharra noski, baina baita dardartia ere hautabeharraren latzaren aurrean. Liburu gomendagarria, zinez.