Emakumeak

Eduardo Galeano

2019

Itzultzailea

Mikel Vilches Plaza

Eduardo Galeano desjabetuen historiaren kontalaritzat har daiteke. Oraingoan, izenburuak dioen bezala, bi aldiz ezabatutako horien ahotsa dakar, emakumeak baitira kontakizun bilduma honen muin eta bizkarrezurra. Batetik, jardun publikoa egin duten emakumeak jasotzen dira liburuan, Rosa Luxemburg, Rigoberta Menchu eta Frida Kahlo esaterako; bestetik, mundu osoko hainbat emakume ezezagunen iraultzak eta balentriak. Horrela, haietako bakoitzarekin ate bat zabaltzen digu Galeanok, emakume horien bizitzetan eta, azken batean, emakume horiek gorpuzten eta irudikatzen duten munduetan barneratzeko. Ahanztura gainditzeko konjurua egin, eta norbanakoen bitartez kolektiboaren aldarria egiten du.

Eduardo Galeano hil berritan argitaratu zen autoreak berak apailaturiko antologia hau. Bizitzari kantu egiten jarraitzen du idazle uruguaitarrak, ohi duen ahozko kontalariaren maisutasunaz, ez daitezen itzali ez haren ahotsa ez horrek dakartzan mundu horiek guztiak.

15,00 €

14,25 € Kluba

Kopurua

Erosi

Xehetasunak

Argitaletxea Txalaparta

Bilduma AMAIUR

Generoa Narratiba

Edizioa 2

ISBN 978-84-17065-89-8

Hizkuntza Euskara

Argitalpen data 2019 aza 1

Orri kopurua 145

Pisua 215gr

Informazio gehiago

Zure iritzia eman liburuaz

Iruzkinak 0 iruzkin

Egilea/k ezagutu

Eduardo Galeano

1940 (Montevideo, Uruguay) - 2015 (Montevideo, Uruguay)

Kazetari eta idazle konprometitua. Politikoki engaiatua eta kulturalki aktiboa izan zen, eta 1973an, Uruguaiko estatu kolpearen ondorioz, atxilotu eta kartzelatu egin zuten; Argentinara ihes egin behar izan zuen, eta Katalunian erbesteratu zen gero, 1985ean sorterrira itzuli arte. Gazterik hasi zen idazten, aldizkarietan lehenik, eta ordutik ez zuen etenik izan. 1971n argitaratu zuen Las venas abiertas de América Latina saiakera arrakastatsua. Bere garaian zentsuratu bazuten ere, Latinoamerikako historia ulertzeko erreferentziazko liburua da. Horretaz gainera, liburu ugari argitaratu zituen, saiakerak, kronikak, poesia eta narrazioak, eta hainbat hizkuntzatara itzuli dituzte. Haien artean, Txalapartak euskaraz kaleratu ditu Hitz ibiltariak, Ispiluak eta, oraingoz azkena, Emakumeak.