Euskal Herriko hegaztien gida

Esku artean daukazu Euskal Herriko hegaztiei buruz argitaratu den libururik osatuena eta erabilgarriena. Katalogo bikain honetan 220 espezie aurkituko dituzu, alegia, gurean habia egin, negua eman edo migrazioan doazela atsedena hartzen duten hegaztirik esanguratsuenak.

Gidaliburuak espezie bakoitzaren deskribapena dakar, baina baita hegan egiteko modua, kantua, bizilekuak eta ohiturak ere. Testuan eta mapan gehien ibiltzen diren lekuak ere ageri dira. Horrekin batera, zein egoeran dauden ere badakar: desagertzeko arriskuan dauden, babesik ba ote duten, bereziak diren...

Identifikazioa errazte aldera, atal grafikoa erantsi zaio especie bakoitzari. Bertan Calros Silvar adituaren marrazki bikainek animalien egoera eta jarrera desberdinak islatzen dituzte. Testuak, ostera, Xoxe M. Penas eta Carlos Pedreira ornitologoek idatzi dituzte.