Euskal Herriko historia ilustratua 1, 2, 3 eta 4 (pack)

Lau liburukik osatzen dute Euskal Herirko historia ilustratua bilduma.   Ezohiko ikerketa lanaren emaitza, hitzek ilustrazioei bidea ematen diete obra honetan, irudietan bilduz estreinekoz Euskal Herriko gertaera historiko garrantzitsuenak eta gure historiaren egiazko protagonistei aurpegia jarriz. Iraganeko giza paisaiak gure etorkizunerako berreskuratzeko zeregin ohoragarrian urrats sendoa.   1. liburukia - Historiaurretik Erromanizaziora Nolakoa izan zen gure arbasoen bizitza gordeleku paleolitikoetan eta leizetako hartzaren aurkako haien borroka? Zein zen ezagutu den lehenengo gudari euskaldunaren itxura? Nolakoak izan ziren baskoien lehen herrixkak, Longar trikuharriaren sarraskia, erromatarrekin lehen hartu-emana edota La Hoya hiribilduaren suntsiketa?   2. liburukia - Nafarroako erresuma: Ametsetik konkistara Gure historia ilustratuaren bigarren liburuki honek Nafarroako erresuma independentearen lehen urteetako ilusioa islatu nahi izan du, barne-gatazkek (herentziek, banderizoek...) eta, batik bat, gure auzoen neurriz kanpoko grina menderatzaileek emeki-emeki eten zuten artekoa. Alde guztietatik marrastatuta, mundua liluratzera iritsi ez zen ametsaren kontakizuna da hau.   3. liburukia - Marinelak, matxinoak, sorginak eta ilustratuak Nafarroako Erresuma 1521ean konkistatu ondoko urteak aztoramen eta asaldura sozial eta politiko handikoak izan ziren Euskal Herrian, gatazkaz eta gerraz beteak. Alde batean, herri xehea eta pobrea, gehienbat nekazariak, abeltzainak eta arrantzaleak, eta, beste aldean, eliteak, banatuta, Espainiako nahiz Frantziako inperioen asimilazioaren eta bi estatuen errepresio bolada bortitzen artean. Testuinguru horretan, mota guztietako pertsonaiak sortu ziren: abenturazaleak, nabigatzaile handiak eta baleazaleak, emakumezko lehen idazleak, sorginak eta belagileak, konkistatzaileak, gerrillariak edo matxinoak…   4. liburukia - Karlistadetatik frankismoaren aurkako borrokara Euskal Herriko Historia Ilustratuaren laugarren liburukiak gure iragan hurbileko pasakizunei eta pertsonaia garrantzitsuei jartzen dizkie irudiak. Haren bidez, jakin dezakegu euskal hiriek XIX. mendean nolako itxura hartu zuten, ordura arte harresien barrenean estu-estu iraun baitzuten; jakin dezakegu airetik Gernikako bonbardaketa nola ikusi zuten; eta Rosa Oteizaren aurpegia egiaz nolakoa zen, Foruen monumentua egiteko modelotako jarri baitzuten gaztea. Hala, osatuta gelditu da sail hau, Historiaurretik gaur eguneraino Euskal Herriaren historia berreraiki duena orain arte inork egin ez duen maneran.