La búsqueda de la paz

Ipar Irlandan bakea eraikitzeko prozesu korapilatsu eta, batzuetan, nahaspilatuan, tentu ikusgarriz, eman ziren urratsak jasotzen ditu liburu honek. IRAren lehen su-etenaren, Sinn Feinek gobernu britainiarrarekin eginiko elkarrizketen edota Gerry Adamsek Hego Afrikara eta Estatu Batuetara eginiko bidaien unerik esanguratsuenak jasotzen ditu, baina baita ere gobernu britainiarrak prozesua zapuzteko egindako saioen edota IRAren su-etenaren amaieraren garaietako une latzak, eta galdutako bidea berreskuratzeko ahaleginena. IRAk bere bigarren su-etena iragarri zueneko unean amaitzen da liburua. Gaurkotasunez bete-betea, negoziaketaren giltzarri izan ziren arazoen bilduma aurkezten du: Poliziaren kontrolaren, desmilitarizazioaren, epaitegietako prozesuen, giza eskubideen eta armen gorabeherak. Hitz gutxitan esanda, bakearen bidean aurrera egiteko irlandar herriaren ahaleginaren adierazpena da.