La generación de la utopía

Kontzientzia politikoaren sorrera, klandestinitatea, Europako exilioa, gerra basamortuan, berreraikuntza eta berriro elkar topatzea Angolan, askatutako herrian... Urrats horiek eta antzekoek osatzen dute eleberri handi, eder eta historiko honen bidea. Utopia da gertaeren eta kontaketaren atzealdean ageri dena, eta protagonistek utopiaren aldeko hautua egin ala ez erabaki beharko dute, bizitzan bezala. Eta bidean, nola ez, konpromisoa, borroka, traizioa, ahanztura... denetik aurkituko dute, bizitzan bezala. Azken batean, Pepetelak, Angolaren askapenaren aldeko borrokaren aurpegi guztiak berreskuratu dizkigu oroimenetik, eta bere bizipenak eta adiskideenak oinarri hartuta osatu du eleberri hau, fikzioa eta errealitatea ederki uztartuz. Askatasunaren bidean emandako urratsak eta ikusitako kontuak azaltzen dizkigu, portugesez idatzitako literatura afrikarrak azken urteotan utzi digun liburu ederrenetakoan.