Lau elementuen erronkak

Lau Elementuen Erronkak eskalada eta goi-mendia uztartzen ditu, baita elkarren artean oso urrun dauden lekuak ere, hala nola, Himalaia, Sao Tomé eta Andeak. Abentura liburua da, Enekoren eta Ikerren ibileren kontakizuna. Poutarrek eskalada zailei ekingo diete; esperientzia eta talde-lana sokadaren atal garrantzitsua izango dira. Behin eta berriro, naturak bere baldintzak ezarriko ditu, batzuetan latzak, hilgarriak, tragikoak.

Pasadizo eta bitxikeria gozagarrietarako uneak ere izango dira, zelan ez!, eskaladan orduak eman ondoren barreari ekiteko. Baina, batez ere, Pou anaien bigarren liburuak erronka sinesgaitz baten lekukotasuna dakar.