(Lib+3 Cd) Kantuz, 1965-2015 - Memoriaren Desira

Aurten, Durangoko Azokaren 50. urteurrena betetzen dela eta, euskal kantuaren historia garaikidea birgogoratzen lagundu nahian sortzen da honako Kantuz izenburuko disko hirukoitza. Bertan aurkezten diren 50 kantuen bitartez, hainbat paisaia errekonozituko ditugu eta abestien errekurrentziaz, iraganera egingo dugu jauzi. Beste batzuetan iraganetik orainaldira etorriko gara, oraingo talde gazteek eskuratutako bertsioen bidez. Ala kide sentiaraziko gaitu, bi kantari batera kantu eder bat kantatzen entzunda. Oraina iraganean topatzen dugun bezala, iragana ere une honetan ari da berpizten, behin eta berriro. Pasatako denborak beti dira aktualak. Horixe da, hain zuzen Kantuz izeneko bilduma honek erakutsi nahi duena. Egin dezagun solas, batu gaitezen, gogora ditzagun gure ilusioak, eguneratu ditzagun oroimenak, eraiki dezagun herria, kantaren ardatzaren inguruan bildurik.