Minorreko komedia

Name: Minorreko komedia
Author: Hans Keilson

Hans Keilson

2017

Eleberri honetan, judu ez den bikote batek naziengandik ihesi doan judu bat ezkutatzen du etxean. Hala, bada, idazlearen estilo soilean, hirukote horren arteko elkarbizitza, solasaldiak, haserreak, beldurra, klaustrofobia, elkartasuna eta itxaropena agertzen dira orriotan. Egilea bera, naziengandik ihesi, Herbeheretako erresistentzian ibili zen eta, klandestinitatean idatzia, liburu honek, neurri batean, sasian ibilitako garaiko bere bizipenak ditu oinarri.

Katalogotik kanpo

Xehetasunak

Argitaletxea Txalaparta

Bilduma AMAIUR

Generoa Narratiba

Edizioa 1

ISBN 978-84-16350-72-8

Hizkuntza Euskara

Argitalpen data 2017 mar 1

Orri kopurua 140

Pisua 150gr

Informazio gehiago

Liburuaren fitxa teknikoa

Zure iritzia eman liburuaz

Iruzkinak 1 iruzkin

Mikel Zubimendi 2018(e)ko otsailaren 9(a)

Erdi biografikoa den eleberri labur honek, nazien ihesi dabilen judua eta bera aterpetzen duen bikotearen istorioa dakar. Irribarrea eta hausnarketa eragiten ditu. Holokaustoaren literaturaren perla bitxia da, ironikoa, sinpatikoa, bizipozaren eztanda frenetikoa. Jende arruntak arrunt aparta den gauza bat nola egiten duen erakusten digu: naziei erresistitzea. Sasitarra babesten duen egunerokoaren kontu praktikoetatik auzi sakonagoetara nola jotzen duen liluragarria da. Nola «haurrak nonahi jaiotzen diren, babesleku antiaereoetan, airezko erasoetan, eta, maiz, nahi baino azkarrago», heriotzak kolpatzen duen orotan, nola jarraitzen duen aurrrera bizitzak.

Egilea/k ezagutu

Hans Keilson

1909 Bad Freienwald (Brandeburgo, Alemania) - 2011 Hilversum (Herbehereak)

Familia judu batean jaioa, 1933.ean argitaratu zuen bere lehen idazlana Das Leben geht weiter (Bizitza aurrera doa). Fischer argitaletxeak plazaratu zuen idazle judu baten azken idazlana izan zen, Nurembergeko lege arrazistak indarrean sartu baitziren berehala. 1940. urtean naziak Herbehereak okupatutakoan ezkutatu eta buru egiteko klandestinitatera jo zuen eta nederlandar erresistentziarekin lan egin zuen. Bizirik atera zen gerratik, ez, ordea, bere gurasoak, naziek Auschwitz-Birkenauen hil baitzituzten. Gerra garaian idatzi zuen orain aurkezten dugun Minorreko komedia eta idazten hasi zen bere idazlan ezagunena, Der Tod des Widersachers (Aurkariaren heriotza).