Politeismo bastarta Lau egun Angela Davisekin

Name: Politeismo bastarta
Author: Jule Goikoetxea Mentxaka

Jule Goikoetxea Mentxaka

2024

2024ko maiatza. Jule Goikoetxea Angela Davisekin elkartzeko prestatzen ari da kategoriako hotel bateko bere gelan. Davis Bartzelonara heldu berri da, bere 80 urteekin, gorputz sendo garaiarekin eta emantzipazio borrokaren aldeko determinazio agerikoarekin. Pentsalari feminista-marxistak lau egun igaroko ditu hirian, Fira Literal ideia eta liburu erradikalen azokan, eta Goikoetxea haren bizkartzain lanetan arituko da, etorkizuneko jainkosak zer behar, bera han.

Azokatik kanpo elkarbanatutakoak —taxi bidaiak, bizitzeko gogoz betetako taberna-zuloak eta jauregiak—, elkarrekin pentsatutakoak —Sarah Ahmeden, Vandana Shivaren eta hoteleko garbitzaileen ahotsak— eta horietatik abiatuta irudimenak sortutakoak —jainkosak, Buladak eta giza holobionteak— biltzen ditu umorez eta bizitasunez blaitutako kontakizun honek. Monoteismo ororen kontra eta, batez ere, bizitzaren izaera gatazkatsuari esku biekin helduta.

17,00 €

16,15 € Kluba

Kopurua

Erosi

Xehetasunak

Argitaletxea Susa

Generoa Saiakera

ISBN 978-84-19570-31-4

Hizkuntza Euskara

Argitalpen data 2024 aza 4

Orri kopurua 154

Pisua 195gr

Zure iritzia eman liburuaz

Iruzkinak 0 iruzkin

Egilea/k ezagutu

Jule Goikoetxea Mentxaka

1984 Donostia (Gipuzkoa, Euskal Herria)

Cambridgeko eta Euskal Herriko Unibertsitateetan egin zituen Filosofia, Kazetaritza eta Zientzia Politikoko ikasketak. Filosofian doktorea, Londres, Lancaster eta Edinburgoko ikertzaile elkartua izan zen 2007 eta 2010 urte bitartean. Azken urteetan, Cambridgeko Unibertsitatera itzuli eta Kanadako Queens Unibertsitatearekin batera garatu ditu bere ikerketak. ehuko Zientzia Politikoetako irakaslea da egun, Gobernantza eta Ikasketa Politikoak Masterreko zuzendaria eta University of Cambridge Journal of Politicseko editore elkartua. Nazioarteko hainbat aldizkaritan eman ditu argitara artikuluak. Euskal Herriko hainbat mediotan kolaboratzaile gisa ibilia da ere.

Harremanetan jarri