Puros hombres

Kartzela-nobela paregabea, Venezuelako literaturan erreferentzia eta argitaratu zenetik mende erdia pasea bada ere, edukiak oraindik indarrean daudela ohartzean ikaratzen gaituena. Egileak berak, lortutako arrakastaren ostean elkarrizketatua, liburua basatitzat jo zuen. Lehenengo argitalpeneko hitzaurrean azaldu ziren egilearen hitzak dira aurkezpenik hoberena: "Jakin beza irakurle horrek, zeinaren sentimendu minberak errespetatzen ditudan: ikuskizun nazkagarrietara gerturatu nahi ez badu, neurrigabeko hitzik entzun nahi ez badu edota mundu higuingarri batean nahasten diren izakiekin gordintasunez beteriko topaketarik izan nahi ez badu, ez dezala jira orrialdea. Liburu hau kartzela da".