Vascones

Euskal Herriak historian barrena egin duen bidea erakusten digun eleberria da hau. Erromatarren garaitik hasi eta gaur egun arteko bidea. Azken batean, dokumentazio lan handi baten ondorioa da liburu hau. Historia luze eta neketsua eskaini beharrean, ordea, eguneroko gertaerak tartekatzen dira etengabe orrialdeotan barrena, eta herri baten historia, biztanleen bizitzenekin korapilatzen da, benetan gertatu ohi den moduan. Honela, data historiko hutsak direnak sentimenduekin batera agertuko zaizkigu lan honetan. Erregeen ondoan otargileak topa ditzakegu. Soldaduen ondoan, nekazariak. Politikoen ondoan, langile zintzoak. Azken batean, historian barrena irauten ikasi duen herri baten bizimodua islatzen da hemen. Historiaren itsasoetan hondoratu gabe aurrera egiten ikasi eta jakin duen herri baten taupadak dira, beraz, liburu honen orrialdeak.