Zaldi berdea

Name: Zaldi berdea
Author: Jose Mari Sagardui Moja

Jose Mari Sagardui Moja

2022

Ihes egiteko leku aproposean idatzi zuen Jose Mari Sagarduik narrazio hau, kartzelan ia 31 urte zeramatzala, ordu arte saiatu gabe zuen hanka egiteko moduari helduta, betiere kaleko askatasuna eta bertako eta barruko lagunak gogoan. Hiru hamarkadan hainbat aldiz saiatu zen ihes egiten, eta haietako batean erreka jo zuen. Ez zuen erraz ahaztuko egun hura, eta une batez askatasuna usaintzeko bide eman zion saio haren berri ematea erabaki zuen, beraz, batez ere zulo ilun eta beti urrun haietan izandako sentipenak, milaka euskal herritarren sentipen direnak, harresietatik kanpo barreiatzeko asmoz. Gogoak denboran aurrera eta atzera eginez, bertatik bertara bizi izandako hainbat gertakari ezagunen eta hamaika pasadizo ezezagunen berri ematen digu narrazio gordin bezain hunkigarri honetan. Bereziena, Granadako espetxean huts egin zuen ihes saioaren zazpigarren urteurren eguna, Gatzaren alaba jaio eta Zaldi Berdea sortu zenekoa.

Katalogotik kanpo

Xehetasunak

Argitaletxea Ataramiñe

Generoa Saiakera

Hizkuntza Euskara

Argitalpen data 2022 abe 3

Orri kopurua 194

Pisua 666gr

Zure iritzia eman liburuaz

Iruzkinak 0 iruzkin

Egilea/k ezagutu

Jose Mari Sagardui Moja

1958 Amorebieta (Bizkaia, Euskal Herria)

Jose Mari Sagardui 1980ko uztailaren 8an atxilotu zuten, beste zortzi herritarrekin batera. Atxilotutako guztiek Guardia Zibilaren etxean torturatu zituztela salatu zuten. Epaitegiek ez zuten salaketa horien gaineko inolako ikerketarik egin; hala ere, polizia etxean egindako deklarazioak erabili zituzten froga modura Sagardui eta gainerako atxilotuak kondenatzeko. Espainiako Auzitegi Nazionalak ia 70 urteko espetxe zigorrak ezarri zizkion, ETAko hainbat ekintzatan parte hartu zuelakoan. Gerora Parot doktrina aplikatu zioten, eta, ihesaldi saiakera tarteko espetxe zigor gehiago erantsita, 31 urte egin ditu azkenean Espainiako estatuko 34 kartzelatan. Azkenean, 2011ko apirilaren 13an irten zen Jaengo espetxetik. Espetxean urte gehien pasatu dituen euskal preso politikoa da. Kartzelako nondik norakoak kontatzen ditu Zaldi berdea (Ataramiñe, 2022) memoria liburuan, eta Maitane Serrano eta Lander Iruin HUHEZIko ikasleek 31 urte dokumentalean bildu zituzten zornotzarraren eta bere hurbilekoen bizipenak.