Une honetan ez duzu ezer saskian. 
- Home
- Argitaletxe lagunak
- Foca
Argitaletxea Foca
AKALen argitaletxe gazteena 1993an jaio zen. Hasiera-hasieratik eman zuen izaki geldiezinaren eta moldagaitzaren itxura: bazekien garai gogorrean zetorrela eta ez zegoen isilik egoteko prest. Batzuen irribarreen eta besteen amore emate aitatiarraren artean, askatasunaren negozioa salatu zuen, agerian utzi zituen boterearen miseriak -botere ororenak-, ozen hitz egin zuen Palestinaren alde, batzuek itxita eduki nahi dituzten armairuetako ateak zabaldu zituen, horrelako mundu batean bizi nahi al dugun galdetu zion bere buruari, adiskide amerikarraren inperioa erortzen denean zer etorriko zaigun aztertu zuen, korrika ibili zen obrako aldamioen artean eta zubiak eraiki zituen (Euskal Herrirako, esaterako) beste batzuek hormak altxatzen zituzten tokian.
Politikak, kazetaritzak, ekonomiak edo erlijioak bezala, begirada kritikoa eta inkonformista behar duten gaurkotasuneko esparruetan mugitzea gustatzen zaio. Ez du saihesten polemika, baldin eta beharrezkoa eta oinarritua bada. Gaur egun galduta du tolesgabetasuna, inoiz izan badu, eta gehiengoaren errespetua irabazi du. Eta urte askotarako izango dela espero dugu.
