Une honetan ez duzu ezer saskian. 
35 urte Bobby Sands gose grebak hil zuenetik |
Denbora azkar doa eta Bobby Sandsek duela 35 urte utzi zuen Irlanda hura beste bat, zeharo ezberdina, da egun. Long Kesh britainiar kartzelan bera eta beste hainbat bolondres irlandarrek pairatzen zuten egoera latza salatzeko eta, batik bat, bere izaera politikoa onartzen ez zuen Britainiar Inperioaren kontrako gose greba abiatu zuten 1981. urte horretan. Hirurogeita sei egunez egon zen Bobby Sands poeta, parlamentaria eta liderra bere eskubide politiko eta zibilak, baita preso izanik ere, onartuak izan zitezen borrokan, ahora deus eraman gabe. Hala etorri zitzaion heriotza ziega barruan. Irlanda guzia aldatu zuen ekintza izan zen hura, baita mundu osoko presoen, kartzelen eta herrien borroka markatu zuena ere.
Hala ere, Denis O'Hearnek biografia hau idatzi zuen arte ezer gutxi genekien haren bizitzaz. Txalapartak, Aitzol Iriondo eta Iurgi Garitagoitia euskal presoen eskutik, euskarara ekartzen duen liburu honetan, gazte engaiatu baten bizitza kausitzen dugu, West Belfasteko kaleetatik mugimendu errepublikanoko zuzendaritzara eraman zuen ibilbide koherente eta eskuzabala. Bobby Sands eredu izan da mundu osoko borrokalarientzat; hona hemen iraultzaile handi baten bizitza- eta duintasun-testigantza.
Iruzkinak 0 iruzkin