Txikien zein handien bihozminak goxatzeko gai

Ezuste desatsegin baten ondoren, Taylorrek ez daki norengana jo. Animalia guztiek uste dute berek dutela irtenbide onena. Oiloak horri buruz hitz egin nahi du, baina Taylorrek gogorik ez. Hartzak uste du Taylor haserretu egin beharko lukeela, baina mutikoa ados egon ez. Banan-banan, animaliek nola jokatu esaten diote Taylorri, eta banan-banan huts egiten dute kontsolamendua ematen. Orduan, untxia heldu da. Untxiak entzun eginen du, ez besterik… hain zuzen Taylorrek behar duen hori.

Inguruan ditugun horiei nola lagundu eta haien mina nola arindu kontatzen digu istorio soil eta xarmant honek.

Ilustrazio ederrak… Taylorrek –guk denok– behar duen hori ematen du liburuak: entzun, barre egin eta besarkada bat emanen digun norbaiten kontsolamendua.

New York Times

Eta untxiak entzun liburu zoragarria izateaz gainera, helduentzako ohartarazpen bat ere bada, agian, arreta isila osabide boteretsua izan daitekeela ahazteko joera baitute

The Wall Street Journal

CORI DOERRFELD

(1979, Minneapolis, Minnesota).Haurrentzako liburuak ilustratu ditu, eta bereziki ezaguna da haren The Rabbit Listened (2018) [Eta untxiak entzun], hamaika hizkuntzatara itzuli eta beste horrenbeste sari jaso baititu. Haren beste liburu ezagun batzuk dira Little Bunny Foo Foo: The Real Story eta The True Adventures of Esther the Wonder Pig.