Ariel Dorfman

1942 Buenos Aires (Argentina)

Idazlea eta giza eskubideen aldeko ekintzailea. Buenos Airesen jaioa, haurtzaroan AEBetan bizi izan zen, 1954an Txilera joan zen arte. Txiletar nazionalitatea lortu zuen eta Salvador Allenderen gobernua lagundu zuen. Augusto Pinocheten estatu-kolpearen ondorioz alde egin behar izan zuen, Frantziara lehenik eta AEBetara gero. Eleberriak, antzezlanak, ipuinak eta poesiak idatzi ditu baina, batez ere, saiakeragilea da. 1971n, Armand Mattelartekin batera, eragin handia izan zuen Para leer al Pato Donald saiakera idatzi zuen. Bere lanik ezagunena, hala ere, Herioa eta dontzeila antzezlana da. 2001ean, Untxi magikoen matxinada haur-ipuina argitaratu zuen Txalapartak.