Christophe Blain

1970 Gennevilliers (Est. Francés).

Arte Ederretako goi eskolan ikasi zuen, Cherbourg-Octevillen, eta aurreneko istorioak Frantziako itsas armadan zegoela marraztu zituen; horiek bildu eta 1994an kaleratu zituen, Carnet d’un matelot izenarekin. David B.-rekin Lapin aldizkarian aritu ondoren, arrakasta lortu zuen Le Réducteur de vitesse komikiarekin. 2001. urtean berriz ere ospea izan zuen Isaac le pirate argitalpenarekin, eta lan hori 2002ko Angulema jaialdian omendu zuten. Urte horretan bertan ekin zion western ibilbideari, Gus lanaren eskutik. 2008an bildumaren bigarren liburukia kaleratu zuen, Beau bandit, non gizon eta emakumeen arteko harremanetan sakontzen baitu.