Miguel Bonasso

1949 Buenos Aires (Argentina)

1936ko gerratik ihesitako borrokalari euskaldun baten semea da. Karmentxu izeneko emakume harengandik jaso omen zuen Miguelek bere izaera inkonformista eta bere egoskorkeria. Irribarrez gogoratu ohi du oraindik amaren jatorri euskalduna. Aitarengandik, berriz, politikarekiko eta literaturarekiko zaletasuna jaso zuen, eta Bonasso kazetaria da 18 urte zituenetik. Argentinako hainbat egunkari eta aldizkaritan aritu da lanean, eta La Opinión edota Noticias egunkariaren argitaratzaile eta sortzaileetakoa izan zen. Peronisten hauteskunde kanpainan prentsa-arduraduna izan zen, eta gero Campora presidentearen aholkularia. Triple A erakunde armatuaren helburuetako bat izan zen, eta sasian bizi behar izan zuen 1977an erbesteratu behar izan zuen arte. Txalaparta argitaletxearekin La memoria en donde ardía (1992), Recuerdo de la muerte (1994, Rodolfo Walsh saria) eta Diario de un clandestino (2003) liburuak argitaratu ditu. Gaur egun, Bonassok kazetari lanetan jarraitzen du Página 12 eta 3 puntos aldizkarietan.