Antologia apetatsua

Julio Cortázar Descotte

2004

Itzultzailea

Jon Alonso Fourcade

“Cortazarren obra luzea eta anitza da: poesia gutxi argitaratu zuen, antzerki-lan bat apenas, baina lau nobela, ipuin mordo bat, eta sailkapen zaileko testu multzo handia, saiakera, poesia eta narrazioaren arteko eremu oso berezi batekoa, Cortazarren mundu ikuskeraren erakusgarri fidela. Itzultzailea ere izan zen, aparta, eta lan asko egindakoa. Esan dezadan ezer baino lehen guk Cortazarren ipuinak hartu ditugula aintzat antologia egiteko garaian, gainontzeko testuak gutxietsi gabe baina alde batera utzirik, bere obraren bizkarrezurra, edo ardatzetako bat bederen, ipuinek osatzen dutelakoan (…).

Antologia bat, edozein antologia, irudika litekeen onena izanik ere, jakintza mugatu batetik egindako aukeraketa arbitrarioa baizik ez da. Hau honela izanik ere, badira bere gain nahikunde zientifiko eta orojakileak hartzen dituzten antologiak. Ez da antologia honen kasua. Antologia hau apetatsua da, izan ere, antologia-egilearen kapritxoa baizik ez delako berau atontzeko irizpidea”.

Jon Alonso

13,90 €

13,21 € Kluba

Kopurua

Erosi

Xehetasunak

Argitaletxea Txalaparta

Bilduma KORTAZAR

Generoa Narratiba

Edizioa 1

ISBN 978-84-81364-00-2

Hizkuntza Euskara

Herrialdea El Salvador

Argitalpen data 2004 aza 8

Orri kopurua 204

Pisua 238gr

Zure iritzia eman liburuaz

Iruzkinak 0 iruzkin

Egilea/k ezagutu

Jon Alonso Fourcade

1958 Iruñea (Nafarroa, Euskal Herria)

Biologian lizentziaduna, euskara irakaslea izandakoa, gaur egun itzultzailea da. 1995ean Mikel Zarate saria jaso zuen Idiaren eraman handia saiakeragatik. 2001ean, aurreneko Juan Zelaia saria irabazi zuen Agur, Darwin (eta beste arkeologia batzuk) lanarekin. 1995ean argitaratu zuen lehen nobela, Katebegi galdua, eta 1998an nobela eta saiakera artean dagoen Camembert helburu lana. Ondoren, Euskal karma rapsodia, Hodei berdeak eleberria eta Erretzaileen eremua ipuin liburua argitaratu ditu, besteak beste. Itzulpengintzan ere aritua da; berak euskaratu zuen Jose Samaragoren Lisboako setioaren historia edo eta Julio Cortazarren zenbait ipuin Julio Cortazar: Antologia apetatsua eta Jon Bilbaoren Kometaren eraginpean. Txalapartan Zintzoen saldoan eta Hiri hondakin solidoak eleberri beltzak argitaratu ditu. Beltzaren koloreak eleberri beltzari buruzko saiakera ere plazaratu du.

Harremanetan jarri

Jon Alonso Fourcade idazlearen beste liburu batzuk

Julio Cortázar Descotte

1914 Ixelles (Bélgica) - 1984 París (Est. francés)

Bruselan jaio zen 1914an, nahiz eta Argentinan eman zuen bizitzaren parterik luzeena. 1951. urtean, Unescoko itzultzaile izendatu eta Parisera joan zen bizitzera. Ipuingintza modernoaren mugarrietako bat izateaz gain (Bestiario, 1951; Final del juego, 1956; Las armas secretas, 1959; Historias de Cronopios y Famas, 1962...) lau eleberri idatzi zituen (Los premios, 1960; Rayuela, 1963; 62 / Modelo para armar, 1968 eta Libro de Manuel, 1973). 1968. urtetik hil arte politikagintzari eskaini zizkion ahaleginik handienak, beti ere literatura bazterrean utzi gabe. Kuba eta Nikaraguako iraultzen alde egin zuen, eta Uruguay, Txile eta Argentinako gobernuen aurka. 1984. urtean hil zen Parisen, leuzemiak jota.