Azken amazona

Nina Almberg

2023

Itzultzailea

Josu Zabaleta Kortabarria

XVI. mendean, esaten dutenez, espainiar konkistatzaileek emakume gudarien talde bati aurre egin behar izan omen zioten, eta, diotenez, emakume gudari haien itxura zen gizon konkistatzaile haiek entzundako kontakizun mitologikoetako protagonistena. Gizon zuriei eraso egin zieten bertako emakume indigena gudarien izenaz bataiatu zen oihana eta eskualdea: Amazonia. Orobat esan ohi da emakume batzuk, Icamiabak, luzaro bizi izan zirela eremu hartan gizonezkoengandik aparte. Baina nor ziren emakume haiek? Eta nola bizi ziren? Gaur egun bertan ere, Amazoniako arro osoan, emakumeek –eta baita gizon batzuek ere– beren bizi-ereduaz eta beren hitzaz, emakume haiek biziarazten jarraitzen dute. «Oraindik ere ikusten ari naiz, goiz-albako laino lodietan, eurien urtaroan, ia-ia garden: agerketa kezkagarri samarrak. Emakumeak baino ez ziren, emakumeak baizik ez ziren ikusten. Isil-isilik iristen ziren, zurezko piragua luze batean, eta moilatik aparte samar lehorreratzen ziren. Bizpahiru arraunlari ontzian geratzen ziren, zaintzaile; bestelako hamarren bat lehorrera jaisten ziren. Biluzik egoten ziren denak, azala ia beltza ukitu gorri batzuekin, lotsariak beren ile luzeaz estaltzen zituztela. Ibilera zaluz paseatzen ziren kaleetan zehar beren alabatxoekin. Bazirudien zehazki zekitela nora joan behar zuten».

18,00 €

17,10 € Kluba

Kopurua

Erosi

Xehetasunak

Argitaletxea Erein

Generoa Narratiba

Edizioa 1

ISBN 978-84-91098-19-5

Hizkuntza Euskara

Argitalpen data 2023 abe 4

Orri kopurua 144

Pisua 248gr

Zure iritzia eman liburuaz

Iruzkinak 0 iruzkin

Egilea/k ezagutu

Josu Zabaleta Kortabarria

1948 Legazpi (Gipuzkoa, Euskal Herria)

Filosofia ikasi zuen Erromako Santo Tomasso Unibertsitatean. Euskal letren eta batik bat itzulpengintzaren erakundetzean lan ikaragarria eginikoa dugu: 1977an, Hordago argitaletxearen sortzaile izan zen, eta bertako euskarazko argitalpenen arduradun; 1980an, Martuteneko Itzultzaile Eskolaren sorkuntzan parte hartu zuen, eta irakasle aritu zen bertan 1991ra arte; halaber, Senez aldizkariaren sortzaile da, eta 1984tik 1989ra arte haren zuzendari ere izan zen; 1987an, Euskal Itzultzaile, Zuzentzaile eta Interpreteen Elkartearen sortzaileetako bat izan zen, eta elkarteko idazkari nagusia 1992ra arte. Gainera, Lur Entziklopediaren zuzendari izan zen 1991tik 2000ra bitartean. Itzulpengintza izan da Josu Zabaletaren jardun profesionalaren ardatza: batez ere frantsesetik, italieratik eta gaztelaniatik itzuli du euskarara. Haatik, zenbait lan lexikografikotan ere parte hartu du, eta baita euskarazko hainbat testulibururen sorkuntzan ere, hizkuntz aholkulari gisa. 2001 eta 2008 urteetan, Literatur Itzulpengintzaren Euskadi Saria jaso zuen, Fantasiazko ipuinak eta Gaueko gezurrak itzulpenengatik, hurrenez hurren. 2013an, berriz, Itzulpengintzaren Espainiako Sari Nazionala. Epaimahaiaren hitzetan, “Euskarazko literatur itzulpengintzan aitzindari izateagatik, eta euskal hizkuntza literario eta poetikoak garatzeagatik”.