El tesoro de Lucio Una novela gráfica sobre la vida de Lucio Urtubia

Mikel Santos 'Belatz'

2018

Hitzaurre-egilea

Lucio Urtubia Jiménez

Teoria ederren zale baino, ekintza-gizona dugu Lucio Urtubia. Bere bizitza etenik gabeko borroka izan da eta, batzuk kontrakoa uste duten arren, hori da lagatzen digun ondarea, Lucioren altxorra.

Belatzek, hainbestetan kontatutako pasadizoen inguruan luze galdekatu du Lucio, ekintzak, lekuak, pertsonak, gertakizunak, atmosferak irudietan zehaztasunez islatu ahal izateko. Hala, bada, kaskantarraren biografo ofizial bihurturik, irudigile iruindarrak ezagutzen genituen abenturak eta ezagutzen ez genituen beste hainbat pasadizo ere kontatzen dizkigu. Euskaraz estreinakoz, Cascanten emandako haurtzaroa, lehen banku-desjabetzeak, poliziak despistatzeko asmatutako trikimailuak, familia kontuak, Citibank banketxearekin egindako negoziazioa, muga zeharkaldiak… guztia edo ia guztia kontatu digu Luciok akzioz eta ekintzez betetako orri hauetan. Izan ere, anarkista menderaezin honek dioen bezala: “Ezer egiten ez duen iraultzaile bat apaiz bat besterik ez da”.

22,00 €

20,90 € Kluba

Kopurua

Erosi

Xehetasunak

Argitaletxea Txalaparta

Bilduma ORREAGA

Generoa Narratiba

Edizioa 7

ISBN 978-84-17065-19-5

Hizkuntza Gaztelania

Herrialdea Euskal Herria

Argitalpen data 2018 eka 7

Orri kopurua 138

Pisua 578gr

Informazio gehiago

Zure iritzia eman liburuaz

Iruzkinak 1 iruzkin

Ramonet Daví 2018(e)ko ekainaren 25(a)

¿Cuantas veces miramos al cielo y nos preguntamos quién narices somos y hacia donde puñetas vamos? Ya sabéis, todo ese rollo de buscarle un sentido a la vida, ¿no?. Mira, te propongo un juego. Hazte la pregunta ahora mismo. Pero no tengas prisa en responderte. Hazlo solo después de leer este tebeo, del que hoy os hablo en La Isla de las Cabezas Cortadas Os presento a Lucio Urtubia. Esta es su historia. Este es su tesoro.

Egilea/k ezagutu

Mikel Santos 'Belatz'

1974 Iruñea (Nafarroa, Euskal Herria)

Mikel Santos 'Belatz'ek ilustrazioa eta komikigintza ditu ofizio. Mikel Urmenetaren sortze-taldearen parte da eta, bai nazio zein nazioarte mailan, hainbat haur-ipuin ilustratu ditu. Horien artean, nabarmentzekoa da Tim Burtonek berak zuzendutako Pesadilla antes de Navidad (Penguin) filmaren komikirako egokitzapena. Horrez gain, elkarlanean egindako eta hainbat hizkuntzatan argitaratutako testu-liburutan parte hartu du. Osasuna Fundazioarentzat 90 minutos en el Reyno eta Nafar Gobernuarentzat Una aventura en tres tiempos komikien egilea da ere.

Harremanetan jarri

Mikel Santos 'Belatz' idazlearen beste liburu batzuk

Munstro txikiak. Frankitxoren maskota berria

Munstro txikiak. Sorgintxoren adiskide debekatua

Lucio Urtubia Jiménez

1931 Cascante (Nafarroa, Euskal Herria) - 2020 París (Isla de Francia, Est. Francés)

Familia errepublikano batean sortu zen, bost seme-alaba eta baliabide ekonomiko urriak zituena. Eguzkiaren berotasunaren pean hazi zen, bihurrikeria, aitzur, mahasti eta olibondo artean. Logroñon egin zuen soldaduska, eta berehala ohartu zen elikagaiekin trafikatzeko zuen trebeziaz. Harrapatu egin zuten, eta Frantziara ihes egin behar izan zuen 1954an, Parisera. Han igeltsero lanetan eta anarkistekin harremanetan hasi zen. Obrako kideengandik jasotzen zuen langile-prentsa, libertarioa, eta zenbait lokaletara joaten zen hitzaldietara, besteak beste, Albert Camus eta André Bretón idazleak eta George Brassens eta Leo Ferré musikariak entzutera. Etxean ezkutatu zuen Quico Sabaté makia. Gizon zintzoa, solidarioa eta bidezko borrokekin konprometitua, dokumentuak eta txartelak faltsifikatu zituen, banketxeetan lapurtu zuen, langileriari eta anarkismoari lotutako propaganda inprimatu eta banatu zuen, eta First National Bank bera ere belauniko jarri zuen nazioarteko merkatua faltsifikatutako bidaia-txekez betetzean. Gizon umil eta matxinoa; bere bizitza liluragarriaren zati bat kontatu zigun La revolución por el tejado (2008) liburuan.