...eta segi aurrera! Ezker abertzaleko gazte antolakundeen 40 urteko historia bat

Ameriketako ipar-mendebaldeko jatorrizko herrien tradizio baten berri eman zuen Eduardo Galeanok. Erretiroa hartzekotan den eltzegileak bere piezarik onena eskaintzen dio gazte hasiberriari. Eta eltzegile gazteak ez du oinordetzan jasotako maisulana gordetzen horri begiratzeko eta miresteko; aitzitik, lurraren kontra lehertzen du, mila puskatan hautsi, puskatxoak jaso eta buztinaz lotzen ditu atzera ere. Uruguaiarra beste itsaso baten ertzetan dabilen arren, kondairak ezin argiago irudikatzen du ezker abertzalearen gazte antolakundeen ezaugarria izan dena.

1979ko maiatzaren 10ean aurkeztu zen jendaurrean Jarrai. Berrogei urte igaro dira ordutik. Jaso, hautsi eta pusketetatik berria sortu. Berrogei urte eta oraino eskutik eskura darabilgu eltzea, igaroaldiak bezainbat moldatze izan dituela. Hori ospatu asmo du liburuak.

22,00 €

20,90 € Kluba

Kopurua

Erosi

Xehetasunak

Argitaletxea Txalaparta

Bilduma ORREAGA

Generoa Saiakera

Edizioa 1

ISBN 978-84-17065-75-1

Hizkuntza Euskara

Herrialdea Euskal Herria

Argitalpen data 2019 api 10

Orri kopurua 390

Pisua 678gr

Informazio gehiago

Zure iritzia eman liburuaz

Iruzkinak 0 iruzkin

Egilea/k ezagutu

Markel Ormazabal Gaztañaga

1982 Donostia (Gipuzkoa, Euskal Herria)

Gazte mugimenduaren hainbat alorretan lan egin du, eta 2002an atxilotu eta kartzelaratu zuten lehen aldiz, kale borroka talde batean aritzea egotzita. Jarrai-Haika-Segi sumarioan auziperatua, 2007an bigarrenez atxilotu zuten Bilboko Esperantza frontoian, Espainiako Auzitegi Gorenak ezarritako sei urteko kartzela zigorra betetzeko. Kartzela denboran Soziologia ikasketak egin eta bere lehen liburua idatzi zuen: Hemen naiz, ez gelditzeko baina (Txalaparta, 2014).

Harremanetan jarri

Markel Ormazabal Gaztañaga idazlearen beste liburu batzuk

Irati Sienra

1990 Bilbo (Bizkaia, Euskal Herria)

Oso gazte hasi zen gazte mugimenduan militatzen eta eremu desberdinetan aritu da ordutik. Zuzenbidean lizentziatua bada ere, mugimendu feminista eta ezker abertzalearen gazte antolakundea izan ditu bizitza eta justizia-eskola nagusi. Azken horren harira, pare bat bider izan da auziperatua. Egun, hamaika saltsatan murgilduta jarraitzen du.