Hitzen ondoeza

Name: Hitzen ondoeza
Author: Joseba Sarrionandia Uribelarrea

Joseba Sarrionandia Uribelarrea

1997

Banuen beharra gauza batzu esateko baina, batez ere, badut beharra hitzak haintzat hartzeko, munduko gauzak oraindik izenda daitezkeela sinesteko. Eta horixe da liburu honetako ilusio nagusia: mintzairak oraindik balio duela eta munduko gauzak hobetu daitezkeela. Liburuari dagokionez bere identifikazioaz kezkatuko denarentzat aitor dezadan hiztegia dela, baina ez dela hiztegia, ipuin laburrak dituela baina ez dela ipuin liburua, saio ttipi ugariz osatzen dela, eta aforismoz, eta munduaren lau partetako ene auzokoen aipuek hornitzen dutela. Beraz, eman dezagun, nobela luzea dela. Jokoa hau da: oskolak banan bana apurtu beharko dira barrua errekistatzeko, egia erdia edo gezur t´erdia, gezur erdia edo egia t´erdia gordetzen duten. Erdiesan ugari izango da, beste batzutan gehiesanak, eta mezu batzu eskegita utziko dira, ohiko bizimoduan gauza asko eskegita uzten den moduan. Izan ere, liburua ez da gogoetena, baizik eta aurregogoetena. Aurregogoetak atxakiak dira, irakurleak gogoeta egin dezan.

16,00 €

15,20 € Kluba

Kopurua

Erosi

Xehetasunak

Argitaletxea Txalaparta

Bilduma AMAIUR

Generoa Saiakera

Edizioa 2

ISBN 978-84-81360-74-5

Hizkuntza Euskara

Herrialdea Euskal Herria

Argitalpen data 1997 aza 1

Orri kopurua 480

Pisua 548gr

Zure iritzia eman liburuaz

Iruzkinak 2 iruzkin

Andoni Olariaga 2018(e)ko martxoaren 26(a)

Terminoen, pertsonaia historikoen eta bizipenen glosario hau ideien porrusalda bat dela iruditu arren, gure munduaren eta sinbologiaren autokritika eder bat da funtsean. Gure imajinarioa osatzen duten hitzen arkeologia egiten digu Sarrionandiak, ironiaz edota triki- mailu linguistikoz, kritikatu nahi duen hori biluzteko. Kontzeptuak historizatuak agertzen zaizkigu, eraikuntzak diren heinean, haien aztarna zaharrak, etimologia, erabilpen okerra, interesatua... erakusten digularik. Ideiak dosi txikitan emanda, baina modu sako- nean, irakurleak gogoetarako bide emango dion liburu bat topatuko du. Kontzeptuak definitu beharrean, zalantzan jarriko dizkiona.
Xabier Mendiguren Elizegi 2018(e)ko otsailaren 9(a)

Liburu sailkagaitza: hiztegi baten egituran, mikroipuinak, aforismoak, saiakera laburrak biltzen dituena, egilearen umore, sentiberatasun, erudizio eta pentsamenduekin irakurlea jostatu eta buruari bueltaka jartzeko.

Egilea/k ezagutu

Joseba Sarrionandia Uribelarrea

1958 Iurreta (Bizkaia, Euskal Herria)

Soziologia eta euskal filologia ikasi zituen. Anaitasuna, Ibaizabal eta Zeruko Argia aldizkarietan argitaratu zituen bere lehen lanak, Pott bandaren kideetako bat zela. Kartzelan egon zen, 1980tik 1985era arte, bafle baten barruan ihes egin zuen arte. Geroztik, erbestean ibili da. 2016an jakin zen Habanan zegoela, eta unibertsibertsitatean euskara eskolak eman ditu. 2021ean Euskal Herrira itzuli da. Urte guztiotan, iurretarrak obra zabala idatzi du, eta literaturaren bidez egon da gure artean. Genero ia guztiak landu ditu: kronika, ipuin, eleberri, saiakera, poesia eta gazte literatura. Txalapartarekin, Hitzen ondoeza (1997), Kolosala izango da (2003) eta horren itzulpen Será colosal (2016) argitaratu ditu.