Itsasoa bete urre

Oroitzen du, umetan, idazlan baten agindua izaten zuela eskolako manatu guztien artean gozoena. Kazetaritza ikasketak egin zituen unibertsitatean, eta hasieran prentsa idatziari heldu bazion ere, azken urteotan EITBko albistegietan erredaktore ari da, non igurtzi poetikoari eusten dion nahikoa maiz. Literaturari erreparatuta, hainbat sari jaso ditu, idatzi izan dituelako maitasun gutunak, ipuin erotikoak eta narrazio laburrak. Haurrentzako literaturari begira, autoekoizpenaren bidetik Liburu iletsuak zigilua sortu zuen Ana Ibáñezekin batera, eta argitaletxe horren labetik emanak dira Hankaz gora du amak mundua, Jonek Jone izan nahi du eta Amonarenean kea. Cosimoren katiuskak album ilustratua, berriz, Pamiela argitaletxeak argitaratu zuen Etxepare Saria irabazi ostean. Orain, Ibañezen irudi lausoen gurdian, Itsasoa bete urre dakar, iritzita urrea dela bertan kontatzen dena eta argi utzita hamaika direla ozeanoetan erpinak, izkinak eta distirak.

Zirriborrolaria, marrazkilaria, eskultorea, margolaria eta ilustratzailea. Soberakinekin eta mozketekin lan egiten du, berdin delarik puska horiek oihal izan, paper edo hari. Argitara eman dituen liburuen artean daude Hankaz gora du amak mundua, Jonek Jone izan nahi du, Amonarenean kea eta Cosimoren katiuskak, denak Dani Martirenaren testuekin. Azken album horrek Etxepare Saria jaso zuen 2018an, eta epaimahaiak ilustrazioen ekarpen ausarta nabarmendu zuen. Orain, elkarlan beretik, Itsasoa bete urre dute mundura emana, ohikoan legez munduaren oinazeak sendatzen laguntzeko.