Holakoak dira gure hilekoak

Carolina de Prada, sarean EsCarolota izengoitia darabilena, Madrileko mendilerroko ilustratzaile autodidakta bat da.Publizitate kanpainak eta gizartea sentsibilizatzeko kanpainak ilustratu ditu, eta argitaletxeetarako ilustrazioak ere egin ditu. Bere izenez hiru liburu idatzi eta ilustratu ditu, eta generoaren eta feminismoaren inguruko hainbat erakusketa eta lantegitan parte hartu izan du. Haren azken lanak eguneroko gaiei buruzkoak izan dira, haurdunaldiaz eta amatasunaz. Haren lana, partez, Instagramen dago ikusgai, @escarolota eta @carolacaradebola kontuetan.

Itzultzaile, filologo eta antropologoa da. Euskal Herriko Unibertsitatean Euskal Filologia lizentziatura egin zuen, baita Gizarte eta Kultur Antropologia ere. Horretaz gain, itzulpengintzako masterra burutu zuen. Gaur egun, itzultzaile dihardu Nafarroako Gobernuan 1995eko urriaz geroztik. Bere ikaszaletasuna ez du ordea itzulpengintzak mugatzen; aditua da, baita ere, Bakearen Kulturan, Gizarte Kohesioan, Kultura arteko Elkarrizketan nahiz Genero Berdintasunean. Sariak: 2010: Vitoria-Gasteiz Itzulpen Saria, gazte Literatura sailean, Linh jaunaren biloba lanarekin. 2011: Euskadi Literatura Sariko itzulpen arloan finalista, Philippe Claudelen Brodecken Txostena itzulpen-lanari esker. Bestalde, Diez de Ultzurrun ezaguna da euskarara ekarri dituen hainbat literatura-lani esker. Euskara, gaztelania, ingelesa eta frantsesa ditu sorburu-hizkuntzak, eta euskara eta gaztelania xede-hizkuntzak. 31 eskutik talde-blogean ere hainbat testu argitaratu ditu itzulpengintzari eta euskarari buruz. Itzulpenak egiteaz gain, zuzentzaile moduan ere aritzen da.