Hondamendi handia

Es profesor en un colegio.

Itzultzaile, filologo eta antropologoa da. Euskal Herriko Unibertsitatean Euskal Filologia lizentziatura egin zuen, baita Gizarte eta Kultur Antropologia ere. Horretaz gain, itzulpengintzako masterra burutu zuen. Gaur egun, itzultzaile dihardu Nafarroako Gobernuan 1995eko urriaz geroztik. Bere ikaszaletasuna ez du ordea itzulpengintzak mugatzen; aditua da, baita ere, Bakearen Kulturan, Gizarte Kohesioan, Kultura arteko Elkarrizketan nahiz Genero Berdintasunean. Sariak: 2010: Vitoria-Gasteiz Itzulpen Saria, gazte Literatura sailean, Linh jaunaren biloba lanarekin. 2011: Euskadi Literatura Sariko itzulpen arloan finalista, Philippe Claudelen Brodecken Txostena itzulpen-lanari esker. Bestalde, Diez de Ultzurrun ezaguna da euskarara ekarri dituen hainbat literatura-lani esker. Euskara, gaztelania, ingelesa eta frantsesa ditu sorburu-hizkuntzak, eta euskara eta gaztelania xede-hizkuntzak. 31 eskutik talde-blogean ere hainbat testu argitaratu ditu itzulpengintzari eta euskarari buruz. Itzulpenak egiteaz gain, zuzentzaile moduan ere aritzen da.

Kantabriako herri txiki batean hazi zen, itsasoaren eta mendiaren artean, maisu-maistrez, zuhaitzez eta liburuz inguraturik. Lehen Hezkuntzako Irakasle-ikasketak egin zituen, eta Psikopedagogian lizentziatu zen Kantabriako Unibertsitatean. Ondoren, Zaragozako Unibertsitateko “Irakurketa, Liburuak, eta Haur Irakurleak eta Irakurle Gazteak” berezko masterra egin zuen. Orain Lehen Hezkuntzako irakaslea da Kantabriako landa-inguruneko zenbait eskolatan. Itsasotik hurbilxeago bizi da, baina sekula ez ditu begien bistatik galtzen basoen berdeak.

Rocío Martínez. Arte Ederretan lizentziaduna da, eta 30 urtetik gora daramatza ilustratzaile eta idazle lanetan. Lantegi-irakaslea aritu da hainbat ikastaro eta biltzarretan, bai Espainian eta bai atzerrian. Boloniako Nazioarteko Azokan eta Bratislavako Ilustrazio Azokan erakutsi ditu bere lanak, baita Espainiako liburugintzaren ekitaldi garrantzitsuetan ere. 150 liburu eta album baino gehiagotan egin du lan Espainiako eta nazioarteko argitaletxeentzat. Haren liburuak italierara, portugesera, ingelesera eta txinerara itzuli dira. Bere lanbide ibilbide luzean, zenbait sari lortu ditu hala Espainian, nola atzerrian.