Tierra de nadie

Mexiko iparraldean kokaturiko narrazio hauen indar harrigarriak, Jose Revueltas eta Juan Rulforen oinordeko zuzena den egile berezia erakusten digute. Eduardo Antonio Parrak egia eta mitoak, errealitatea eta lirismoa, tragedia eta irudimena, nahasten ditu narraziotan. Maisutasunez, basamortuak, Rio Bravok, mugaldeko hiriek eta herrixka hutsek osaturiko lur horren kartografia gordina aurkezten digu, orrialdeetara nekazari beldurtuak, gizonik gabeko emakumeak, bestaldekoak, mozkorrak, kazetari ustelak eta jende harrigarriak gonbidatuz. Mexiko iparraldea, azken batean, hiritarra, nekazal girokoa, industriala, jende askotarikoa eta oso berezia da, eta Parra horren guztiaren narratzaile izatera ausartu da.