Zaldi beltzak zeruan

Name: Zaldi beltzak zeruan
Author: Txomin Peillen Karrikaburu

Txomin Peillen Karrikaburu

2018

Ipuin liburua duzu hau, ipuin beltzak agertzen dituena. Gauaz ibiltzen dana liburuaren hiru kapitulu hasteko eta bortz ipuin segidan.

Lehenago idatzi bazuen ere, 1967an argitaratu zuen Txomin Peillenek Gauaz ibiltzen dana nobela beltza, bertze zenbaitzurekin batean aitzindaria izanik.

Nobelaren hiru kapitulu dituzu eskura liburu honetan, intrigako pasarte argigarriak.

Omenaldi gisakoa da 50 urte bete dituen nobelari. Horrekin batean bertze bortz ipuin, beltzenetan beltzenak eta ongi girotuak, horietako bakarra aitzinetik argitaratua.

Herentzia batekin desagerpen baten berri duen anaiaren bilaketa; mafiako buruaren hilketa eta ordezkoarengatik lehia; Milanon ondarearekin batean arrebaren joko zikina ezagutzen duenaren ibiltzeak; lan bila dabilen gazteak familietan gertatzen diren zikinkeriak deskubritzen; hildakoekin lanean eta bizidunekin jostetan aritzen den lege-medikua…

«Lurreango bizitza beti izan da zurian beltza, eta hori mundu globalizatu honetan agian argiago ikusten da. Txomin Peillenen idazlan guztiek argiztatzen dute iluntasun hori, mila kontatu eta aldiro beste kontu argigarri bat dakarrela. Ipuin beltz hauek ere argituko dute zerbait». JOSEBA SARRIONANDIA (Hitzaurrean)

Iruzkin gehigarriak

Maiatz argitaletxearen eta (H)ilbeltza elkartearen laguntzarekin

10,50 €

9,97 € Kluba

Kopurua

Erosi

Xehetasunak

Argitaletxea Pamiela

Generoa Narratiba

Edizioa 1

ISBN 978-84-91720-27-0

Hizkuntza Euskara

Argitalpen data 2018 urt 11

Orri kopurua 112

Pisua 202gr

Informazio gehiago

www.111akademia.eus/albisteak/2018/01/11/txomin-peillenek-ipuin-liburu-berria-plazaratu-du/

Zure iritzia eman liburuaz

Iruzkinak 0 iruzkin

Egilea/k ezagutu

Txomin Peillen Karrikaburu

1932 Paris (Frantziar Estatua)

Euskaltzaina. Biologian, Filologia Hispanikoan eta Hezkuntza Zientzietan lizentziaduna. Euskal Ikasketetan doktorea. Igela aldizkariaren sortzailea Jon Miranderekin batean. Txomin Agirre saria hiru aldiz irabazia, horietako bat Gauaz ibiltzen dana nobela beltzarekin. Beasaingo Udalaren saria (1984); Espainiako Urrutiko Hezkuntzarako Unibertsitate Nazionalaren saria (1995); Euskal Herriko Idazleen Biltzarraren saria (Sara, 2008); Agosti Xaho Kultur Elkartearen Saria (2009); Eusko Ikaskuntzaren Manuel Lekuona Saria (2009). Hamaika liburu argitaratuak, literaturaren alor guzietan. Argitaratu dituen nobela beltzak: Gauaz ibiltzen dana (1967), Itzal gorria (1972), Gatu beltza (1973), Alarguntsa beltza (2001) eta Ipuin beltzak han eta hemen.