Une honetan ez duzu ezer saskian. 
Haurrentzako literaturarik onena gure txikien itxialdia samurtzeko
Koronabirusa dela eta, egun asko eman beharko ditugu etxean, eta haurrak entretenitzea benetako desafioa izanen da. Itxialdia pixka bat arintzeko makina bat gauza proposatu eta planifikatu daitezke, eta horietako bat, dudarik gabe, irakurketa da. TXO! bilduman gaur egungo idazle eta ilustratzaile onenetakoen lan bikainak daude, eta haiei esker gure txikien irudimenak muga guztiak hautsiko ditu, eta sormena nahiz gogoetarako gaitasuna landuko dituzte.
«Kaixo eta ongi etorri planeta honetara. Lurra esaten diogu. Globo handi bat da, espazioan zintzilik, eta hor bizi gara gu». Halaxe hasten da Oliver Jeffers idazle eta ilustratzailearen maisulan hau, mundu honetara iritsi berriak jakin beharreko guztia azaldu nahian.
Nork esan du ekonomia gauza konplikatua denik? Hona Marxen teoria ekonomikoaren oinarrizko printzipioa ezagutzeko istorio bat, umeentzako eta hain ume ez direnentzako ipuina.
Zergatik da liburu hau hain berezia? Oso gauza garrantzitsuari buruzkoa delako, halakoa ez dirudien arren. Gauza hori zuk eta biok egiten dugu, eta gurasoek, amona-aitonek, lagunek… Guztiok egiten dugu, eta horregatik da unibertsala!
Gehiago jakin nahi? Zabaldu liburua, eta kontatuko dizut… KAKARI BURUZ DAKIDAN GUZTIA
Gaur egungo idazleen eta ilustratzaileen proposamen berriak eta kultura ezberdinen legendak eta istorioak biltzen ditu TXO! haur bildumak. Hitzen eta irudien bidez, gure haurren irudimena, hausnarketarako gaitasuna eta sormena bultzatu nahi ditu. Bildumako hainbat liburuk nazioartean haur liburuei ematen zaizkien saririk inportanteenak jaso dituzte. Goza itzazu!
Harpidetu gure newsletter-ean
Nobedadeak, deskontuak, albisteak… jasotzeko
Erlazionatutako edukiak
Kakari buruz dakidan guztia | TXO! haur bilduma
2018.11.28
Otsoak liburutik ere ateratzen direnekoa
2019.06. 4
Titirimari | Nobedadea TXO! haur bilduman
2019.09. 5
Erlazionatutako artikuluak
Iruzkinak 0 iruzkin