Angelita Alfaro Vidorreta

1941 Cervera del Río Alhama (La Rioja, Est. Español)

Sukaldaritzan aditua da eta eremu horren inguruko liburu anitz idatzi ditu. Iruñean bizi da gazte zenetik. Bibliografia gastronomiko andanaren autore da, ospe itzela lortzea ahalbidetu diona. Bere espezialitatea Errioxa eta Nafarroako betiko sukaldaritza da, noizbehinka modernitate puntu bat ematen dion arren. Bere lehenengo liburuak, La cocina de Angelita (1991), arrakasta handia lortu zuen irakurtzeko erraztasunagatik eta errezeten erabilgarritasunagatik. Komunikabide ezberdinetan parte hartu ohi du sukaldeko esperientzia eta jakinduria kaleratzeko helburuaz.