Confesiones de un rebelde irlandés

Name: Confesiones de un rebelde irlandés
Author: Brendan Behan

Brendan Behan

1999

Brendan Behan irlandar literaturaren lumarik distiratsuenetakoa dugu. Bere hil ondorengo lana da hau, eta IRAkidea izateagatik ezarri zioten kondena beteta adingabetuentzako espetxetik irten zenean hasten da kontakizuna. Behanena literatura bizia da, jende xumearenganako sinpatiaz eta keinuz betea, prepotentzia ororen aurkakoa. Militante baten estereotipotik oso urrun dago Behan, eta politikoki zuzena den oro lur azpian aurkituko dugu bere jokaeretan. Benetako errebeldea da. Tragedia, umorea eta zintzotasuna dario bere lanari. Bere lasaitasunean, argi eta garbi azaltzen eta kontatzen ditu bere ibilerak, eta irakurlea gizarteari buruz egiten dituen hausnarketek harritu egingo dute. Askatasunaren alde ahal zuena egin zuen militantea eta idazlea da Brendan Behan. Ironia garagardo aparrarekin batera aurkezten diguna behin eta berriro, irakurlearen konplizitatea eskuratu arte.

15,45 €

14,68 € Kluba

Kopurua

Erosi

Xehetasunak

Argitaletxea Txalaparta

Bilduma GEBARA

Generoa Saiakera

Edizioa 1

ISBN 978-84-81361-39-1

Hizkuntza Gaztelania

Argitalpen data 1999 urr 1

Orri kopurua 325

Pisua 396gr

Zure iritzia eman liburuaz

Iruzkinak 0 iruzkin

Egilea/k ezagutu

Brendan Behan

1923 Dublín (Irlanda) - 1964 Dublin (Irlanda)

1936an, 16 urte besterik ez zituelarik, Liverpoolen atxilotu zuten IRAkidea izateagatik eta adingabetuentzako Borstal espetxe sonatuan sartu zuten. Bertan hiru urte eman zituen Behanek. Handik Irlandara itzuli zen, baina 1942an Dublingo Tribunal Militarrak 14 urteko espetxera zigortu zuen irlandar poliziari tiro egin izanaren akusaziopean. 1946an aske geratu zen amnistia osoari esker. Hurrengo urtean, ordea, berriro kartzeleratu zuten Manchesterren, IRAko presoen ihesaldi batean parte hartzeagatik. Tabernetan mozkorturik, kartzeletan preso edota behe-mailako lanetan eman zuen denboratik, ordea, geratu zitzaion beste apur bat liburuak idazteko. Honela, 1954an, ia bat-batean, idazle sonatu eta arrakastatsua bihurtu zen, Londresko antzerki-talde ezagun batek Behanen The Quare Fellow lana antzeztu zuenean. Lan horretan, heriotzera kondenaturiko lagun baten espetxeko bizimodua islatzen zen. 1958an, berriz, The Hostage antzeztu zen Ingalatarreko hiriburuan, Behanek jatorriz gaelikoz idatzitako lana. Urte berean argitaratu zen Borstal Boy ere, bere nerabezaroko zaintza-urteak kontatzen dituen liburu errebeldea. 1962an Brendan Behans Island argitaratu zuen. 1963an Hold Your Hour and Have Another eta beste zenbait antzerki lan ere plazaratu zituen. Bizitza guztian zehar alkoholarekin izan zuen lotura estuak goiz eraman zuen hilobira, 41 urte zituenean.