Imago Vasconiae Euskal Herria: kartografia historikoaren atlasa

2024

Hitzaurre-egilea

Joseba Agirreazkuenaga Zigorraga

Itzultzailea

Iñaki Lopez de Luzuriaga

Mapak kartografiaren gai nagusia dira, eta izan ditzaketen irakurketak ez dira gutxi. Lurralde batean barrena, gure pausoen iparrorratz izan daitezke, eta, aldi berean, apaingarrien bidez, garai bakoitzean gailendu diren mugimendu artistikoen berri ematen digute. Gainera, aurrerapen zientifikoen lekuko ederrak dira, irudikatuak izatean, espazioek, kostek, ibaiek eta mendiek, hiriek eta zelaiek duten zehaztasun handi edo txikiagoari erreparatuz gero. Bestalde, tokiko jendearen kulturako elementuak erakusten dituzte, eta haien kezka erlijioso edo administratiboak. Azken batean, botere politikoaren harremanak islatzen dituzte.

Bada, lan honetan bildu dugun kartografiak Euskal Herria - Baskonia irudikatzen du historiaren joanean. Lurralde jakin batean bizi den munduko edozein herrik, naziok, estatuk edo erkidegok ospakizun handia du bere kartografia historikoa biltzen duen atlas bat lehen aldiz plazaratzea. Guk, ordea, Europako herri zaharrenetako batek, artean ere ez genuen atlasik. Mapen bilduma honek gure lurraldea irudikatzen du, baina baita gu ere, bertako biztanleak. Ideia bat ematen digu nola ikusi izan gaituzten, edo geure burua nola ikusi nahi izan dugun, gure interesak zein izan diren, eta egun zein diren, eta historiaren gorabeherek noraino ekarri gaituzten.

Iruzkin gehigarriak

Los textos están en euskera, castellano, francés e inglés. Les textes sont en basque, espagnol, français et anglais. The texts are in Basque, Spanish, French and English.

215,00 €

204,25 € Kluba

Kopurua

Erosi

Xehetasunak

Argitaletxea Txalaparta

Bilduma ORREAGA

Generoa Saiakera

Edizioa 1

ISBN 978-84-19319-92-0

Hizkuntza Euskara

Argitalpen data 2024 mar 1

Orri kopurua 440

Pisua 3620gr

Informazio gehiago

Zure iritzia eman liburuaz

Iruzkinak 1 iruzkin

xorino 2024(e)ko maiatzaren 23(a)

Kaixo, eta zorionak ikertzaileei! zorionak Espartza eta Oleagari! Bestalde, lan ikaragarri handia iruditzen zait itzultzailearena, liburua lau hizkuntzatan jartzeko saiakera eder hori, zorionak itzultzaileari eta zuzentzaileei, eta oro har liburu hau posible egin duten orori... Eskerrik asko umil

Egilea/k ezagutu

Ramón Oleaga Páramo

1958 Bilbo (Bizkaia, Euskal Herria)

Zuzenbide, ekonomia eta historia ikasketak egin zituen Deustuko Unibertsitatean eta Euskal Herriko Unibertsitatean. Hainbat museorekin aritu da lankidetzan, kartografia historikoko haien funtsak katalogatzen eta material horiei buruzko erakusketen komisario lanetan. Bere argitalpenak ditu Plasentia de Butrón-Plentzia: Cartografía Antigua (2000), Bilboko Estanpak 1575-1860 (2000), Euskal Herria Museoa: Kartografia Bilduma (2010), Durangaldeko kartografia = Cartografía histórica de la Merindad de Durango (2015), besteak beste, baita idazlan hauexetako lurraldearen irudikapen historikoari buruzko atalak ere: Historia de Euskal Herria (1. liburukia, 2005) eta “Bizkaia kartografian”, Bizkaiko Foru Aldundiaren historia. 1500-2014 idazlanean (2014).

Harremanetan jarri

Jose Mari Esparza Zabalegi

1951 Tafalla (Nafarroa, Euskal Herria)

Altaffaylla kultur elkartea sortu zuen, eta talde horren izenean argitaratu zituen memoria historikoari, herri kulturari eta nafar ohiturei buruzko lehenengo liburuak. Bertzeak bertze, Navarra 1936. De la esperanza al terror (1986) lana koordinatu zuen. 1988an fabrika eta sindikalismoa utzi zituen, eta Txalaparta argitaletxearen buru jarri zen, non 30 urtez lan egin baitu. Prentsan ehunka artikulu kaleratu ditu, eta oihartzun handiko 20 liburu baino gehiago idatzi ditu.

Harremanetan jarri