Tiza negra

Autobus bidaia batek 70eko hamarkadako urteetako eskola-irakasle baten istorio bikoitza harilkatzen du. Bertan islatzen da oraindik sendatzeke dagoen 40ko hamarkadako makien borrokaren zauri zaharra, eta frankismo garaiko giroak eta nafar pirineotako paisaiak janzten du narrazioa. Halaber sasoi hartako haur eta gazte nafarren bizimodua azaleratzen du egileak, beti ere ironia lagun duela. Noski, etengabe ageri dira, besteak beste, elizaren itzal luzea, sasoi hartako erakunde antifrankistak, sexu hastapenak, euskaltzaletasuna, liburuak, abestiak... Azken batean, narratzailearen ahotsa kolektiboa da, sasoi eta kezka jakinen isla hutsa. Askori oroitzapenak azaleratuko dizkion liburua da, ezbairik gabe.