Umezurtzen aberria

Name: Umezurtzen aberria
Author: Julen Kaltzada Ugalde

Julen Kaltzada Ugalde

2017

Euskal Herria umezurtzen aberria da. Gerra garaian edo ostean jaiotako euskal herritar askok ez zuten aita edo ama ezagutu: Francoren aldekoek gure herriko kanposatuetako hormen aurrean edota bide bazterretan milaka eta milaka herritar hil zituzten. Horrela hil zuten Julen Kaltzadaren aita, Derion. Baina, horrez gain, hainbat belaunaldi zurtz jaio ziren etxean norbait faltan izateaz gain aberririk gabe jaio zirelako. Askok bizitzan aurrera joan ahala deskubritu zuten zergatik senideak faltan zituzten, zergatik haien askazia ia guztiz desagertuta zegoen. Antropologia lana izan zitekeen autobiografia honetan Julenek, umore lehor batez, desagertutako ohiturez eta paisaiez hitz egiten digu eta kontzientziaren itzartze pertsonal eta kolektibo horren kronika bizia egiten digu: gerraosteko Urdaibaiko bere ibilerak; apaiztegietako giroa; Gogor apaiz-taldearen borrokak; Burgosko prozesuaren pasarte ezezagunak; Zamoran kartzelatutakoen askatasun-grina; herri honen berreuskalduntzearen lehen urratsak; Eginen sorrera zein itxiera… Xabier Amurizak eta Martin Orbek dioten bezala: “Liburu honetan, pertsona eta pertsonaia oso ‘aparteko’ bat aurkituko duzue. Baita gure historia ‘borrokalariko’ aro luze baten lekukotza zuzeneko bat ere”.

17,00 €

16,15 € Kluba

Kopurua

Erosi

Xehetasunak

Argitaletxea Txalaparta

Bilduma AMAIUR

Generoa Saiakera

Edizioa 2

ISBN 978-84-17065-16-4

Hizkuntza Euskara

Herrialdea Euskal Herria

Argitalpen data 2017 aza 7

Orri kopurua 221

Pisua 301gr

Informazio gehiago

Fitxa teknikoa

Zure iritzia eman liburuaz

Iruzkinak 1 iruzkin

Martin Orbe eta Xabier Amuriza 2018(e)ko otsailaren 9(a)

Ez dakigu Descartesek, Metodoaren diskurtsoa idaztean, Julen Kaltzada zeukan gogoan, baina izenburua oso ondo dator haren bizitza eta koherentzia adierazteko. Bazituen bere konpromisoa defendatzeko argudio batzuk, estamentu guztietan ia aldaezinki berrituko zituenak. Adibidez: «Abade-etxea ez da nirea. Herriarena da eta denentzat zabalik dago». Batzuetan, ahopean –toki batzuetan, ozenki–, zehaztuko zuen: «Guardia zibilentzat eta polizientzat izan ezik. Zeuen Estatu konfesionalak sinatutako Konkordatua bortxatu nahi ez baduzue, behintzat». Bere etxean hau edo hori egin zela, edo urlia edo sandia egonak zirela egozten ziotenean, erantzungo zuen: «Abade-etxea ez da nirea. Ni herritarren zerbitzaria naiz, ez zelataria». Argudio bera erabiliko zuen polizia-etxeetan, eliz agintarien aurrean, Burgosko epaiketan, edonon. Eta zioena hain zen egia, non, sarritan, beste etxe batzuetan bilatu behar izan baitzuen ostatua, «abade-etxea beterik aurkitzen nuelako». (...) Julen Kaltzadak gutxitan ihes egin dio egoerari. Liburu honetan, pertsona eta pertsonaia oso «aparteko» bat aurkituko duzue. Baita gure historia «borrokalariko» aro luze baten lekukotza zuzeneko bat ere.

Egilea/k ezagutu

Julen Kaltzada Ugalde

1935 Busturia (Bizkaia, Euskal Herria) - 2017 Bilbo (Bizkaia, Euskal Herria)

Abadetu eta beste hainbat apaizekin Euskal Herriak jasaten zuen egoera salatzeko ekintza ugari egin ostean, atxilotua eta kartzelatua izan zen. 1970. urtean, Burgosko Prozesuan epaitu zuten beste hamabost lagunekin batera ETAri laguntza eman izanaren akusaziopean. Zamorako apaiz-kartzelan eman zuen denbora gehien, handik Valentzia ondoko Gilet herrira eraman zuten eta han askatasuna erdietsi zuen 1977ko amnistiaren bidez. Herri-mugimenduan lan ugari egindakoa, nabarmentzekoak dira Alfabetatze Euskalduntze Koordinakundean egindako lanak eta izandako ardurak. Herriak eta gizonak saiakera idatzi zuen 1979. urtean eta hainbat liburu euskaratu ditu.