Zorion perfektua

Name: Zorion perfektua
Author: Anjel Lertxundi Esnal

Anjel Lertxundi Esnal

2002

Atentatu baten lekuko izan da hamasei bat urteko neska bat. Neska horrek berak kontatzen ditu hurrengo hogeita lau orduak, inguruan eta bere barruan gertatzen diren hausturak eta hausnarketak jasoz; autoreak suziri distiratsuen beharrik gabe, maisuen moduan darama irakurlea ezin utzizko hari batean. Sistema orokortzaile eta arauemaile guztiak pitzatu direlarik, gizakia babesgabeago sentitzen da, kontzientzia baino ez zaio geratzen, uneoro erabaki beharrak, uneoro posizio hartu beharrak atsekabetzen du, ezmezean jartzen; baina, aldi berean, libreago egiten du. Kontzientziaren nagusitasunaren aroa da; izan ere, «kontzientziarik ez bagenu, animalia huts ginateke, zorion perfektu halako baten jabe», nobelako pertsonaia batek esango lukeen bezala. Nobela morala da Zorion perfektua, Camus, Sciascia edo Dürrenmatt-ek landu zuten tradizioan kokatua, etika eta estetika txanponaren bi aldeak direla eta bi alde horiek elkarrengandik aldendu nahi ez dituela sinetsita bizi den idazle batek idatzia. Beste bide bat iragartzen ote du nobela honek Lertxundiren nobelagintzan? Akaso bai, nork daki... baina printzipio argi bati erantzuten diola esan behar da aldez aurretik: kontatu nahi den historiari dagokion soinekoa josi behar zaio.

13,90 €

13,20 € Kluba

Kopurua

Erosi

Xehetasunak

Argitaletxea Alberdania

Generoa Narratiba

Edizioa 1

ISBN 978-84-95589-56-9

Hizkuntza Euskara

Argitalpen data 2002 abe 2

Orri kopurua 184

Pisua 194gr

Zure iritzia eman liburuaz

Iruzkinak 0 iruzkin

Egilea/k ezagutu

Anjel Lertxundi Esnal

1948 Orio (Gipuzkoa, Euskal Herria)

1970ean argitaratu zuen lehen liburua: Hunik arrats artean ipuin bilduma. Harrezkero, eleberriez eta ipuinez gainera, artikuluak, saiakerak eta haur eta gazte literatura landu ditu. 1973an haurtzaroko bizikizunez osatutako eleberria argitaratu zuen, Goiko kale izenburupean. 1983an Hamaseigarrenean, aidanez eleberria idatzi zuen. Aise eman zenidan eskua (1979), kontakizun laburren bilduma, eta Ajea du Urturik (1971) eta Tobacco days (1989) eleberriak ere argitaratu ditu idazleak. Gerokoak dira Carla (1989), Kapitain Frakasa (1991), Otto Pette (1994) eta Infrentzuak saileko Piztiaren izena (1995), Azkenaz beste (1996) eta Letren Kalekantoitik (1996) liburuak