Abolizioa Politika, praktikak, promesak

Angela Y. Davis

2024

Itzultzailea

Amaia Apalauza Ollo

Berrogeita hamar urtean zehar estatu-indarkeriaren eta zapalkuntzaren aurkako lehen lerroko militantea izan da Angela Y. Davis. Abolizioa. Politika, praktikak, promesak liburuak askapen kolektiboarekiko konpromisoa erakusten duten saiakerak eta hitzaldiak batzen ditu. Urte luzeetako jardunean haren gogoetak zorroztu eta zabaldu dira, munduko kasu gehiago ezagutu ditu. Davisen lan mardul hau irakurri ostean, nabarmena da idazteke dugula Euskal Herriko kartzela sistemaren historia bat, azken bi mendeak jasoko dituena. Horretarako, oso inspiratzailea da Ameriketako Estatu Batuetako kartzelen aurkako mugimendua eta borroka ezagutzea. Abolizioa liburu aberats eta mesedegarria da: Angela Davisen zaleentzat, ikasle zein militanteentzat, feministentzat zein kartzelen zapalkuntza pairatzen dutenentzat, askapen kolektiboa ipar duen ororentzat.

25,00 €

23,75 € Kluba

Kopurua

Erosi

Xehetasunak

Argitaletxea Katakrak Liburuak

Generoa Saiakera

Edizioa 1

ISBN 978-84-10316-03-4

Hizkuntza Euskara

Argitalpen data 2024 urr 21

Orri kopurua 276

Pisua 250gr

Zure iritzia eman liburuaz

Iruzkinak 0 iruzkin

Egilea/k ezagutu

Angela Y. Davis

1944 Birmingham (Alabama, USA)

Angela Yvonne Davis (Birmingham, AEB) politikari marxista, aktibista afroamerikarra eta Kaliforniako Santa Cruz Unibertsitateko Kontzientziaren historiako sailean irakaslea da. 1969an Kaliforniako unibertsitatetik kanporatu zuten AEBko Alderdi Komunistako kide zela jakin zutelako. Pantera Beltzen mugimenduaren parte izan zen, eta AEBko «hamar gaizkile bilatuenen» zerrendan sartu zuten. Bere aktibismo iraultzailearengatik jazarri zuten, eta heriotza zigorra jarri zioten 1972an, hilketaz eta bahiketaz akusatu eta gero. Urtebete geroago absolbitu zuten munduko hainbat txokotatik jasotako elkartasunaren ondorioz. Horrela, Davis giza eskubideen aldeko ikur bihurtu da, eta, militantziagatik ez ezik, intersekzionalitatearen inguruan egindako gogoetengatik egin zen ezagun. Bere liburu nahiz ekintza politikoetan, esklabotza sistema, kartzela eredua, mugimendu abolizionista eta sufragista, abortua eta etxeko lanak problematizatzen ditu. Euskaraz irakurgai daude Askatasuna, etengabeko borroka bat (Katakrak 2016) eta Emakumeak, kultura eta politika (Katakrak 2018), baita bere historia liburu ezaguna ere: Emakumeak, arraza eta klasea (Elkar 2016). Gaztelaniaz Davisen beste saiakera batzuk ere baditugu gure katalogoan, tartean, autobiografia.

Angela Y. Davis idazlearen beste liburu batzuk

Amaia Apalauza Ollo

1979 Iruñea (Nafarroa, Euskal Herria)

Ikasketaz euskal filologoa eta euskal hizkuntzalaritzako doktorea izan arren, itzultzaile-zuzentzaile lanetan eman ditu azken hamar urteak, eta horretan dihardu gaur egun ere. Askotariko testuak itzultzen eta zuzentzen ditu, baita literaturakoak ere, batik bat narratiba eta saiakera. Narratiban, Sergei Dovlatoven, Slavenka Drakulicen, Kazuo Ishiguroren eta Olga Tokarczuken lanak euskaratu ditu, bakarka zein beste itzultzaile batzuekin lankidetzan; saiakeran, berriz, Angela Davis, Bell Hooks eta Ryszard Kapuscinski itzuli ditu. Txalapartan, euskarara ekarriak ditu Iñaki Egañaren ETAren historia laburra, Miguel Santos ‘Belatz’en Gerezi garaia, Joseba Gabilondoren Babel aurretik eta Slavenka Drakulicen Sekula ez liokete euli bati hegalik kenduko. EIZIEko zuzendaritza-taldeko kide aktiboa da 2015. urteaz geroztik.

Harremanetan jarri