Hiru emakume

14,00 € 13,30 € Kluba

Saskira gehitu

Azala deskargatu

Hiru emakume

Sylvia Plath

2018

Itzultzailea

Harkaitz Cano Jauregi

Sylvia Plath zuzen-zuzen iristen da bihotzeraino, beti. Amatasunaren inguruan ardaztutako poema hunkigarria duzu hauxe, hiru ahots ezberdinen bidez hezurmamitua. Amatasuna bizitzeko modu bana ordezkatzen du ahots bakoitzak: ama izanda betetasuna erdietsiko duela uste du batak, ama izan ezinaren mina pairatzen bigarrenak, eta ama izan nahi ez arren, erditzea erabakitzen du hirugarrenak.

Sylvia Plathek boz gora irakurria izateko idatzi zuen izaera feminista eta gerraren kontrakoa duen poema hau. 1962an, hil baino urtebete lehenago, BBC irratian irakurri ondotik, errotik aldatu zuen idazketari ekiteko modua. Une hartatik aurrera, bere ahotsean entzunda baino ezin sor zitzakeen poemak.

«Bere lanen artean indartsuena. Fin-fina da eta bihotzera heltzeko gaitasuna du. […] Plathek geure amesgaiztorik intimoenei jarri die ahotsa». Joyce Carol Oates.

14,00 €

13,30 € Kluba

Kopurua

Erosi

Xehetasunak

Argitaletxea Denonartean-Cenlit

Generoa Poesia

Edizioa 1

ISBN 978-84-16791-67-5

Hizkuntza Euskara

Argitalpen data 2018 ots 19

Orri kopurua 100

Pisua 154gr

Zure iritzia eman liburuaz

Iruzkinak 0 iruzkin

Egilea/k ezagutu

Harkaitz Cano Jauregi

1975 Lasarte (Gipuzkoa, Euskal Herria)

Donostian burutu zituen zuzenbide ikasketak, baina idaztea izan du beti ogibide. Lubaki Bandan hasi zen literatur jardunean eta 1994an argitaratu zuen bere lehen idazlana, Kea behelainopean bezala poesia liburua. Gerokoak dira Beluna jazz (1996) eta Pasaia blues (1999) eleberriak, Belarraren ahoa (2004) ukronia eta Neguko zirkua (2005) eta Beti oporretan (2015) ipuin bildumak. Hiru bider irabazi du Euskadi Saria eta bi aldiz Espainiako Kritikarena. Twist (2011) nobelarekin, 111 Akademia aipamena ere erdietsi zuen. Besteak beste Sylvia Plath, Anne Sexton, Hanif Kureishi, Paul Auster eta Allen Ginsberg euskaratu ditu eta nederlanderaz, galegoz, grezie-raz, ingelesez, gaztelaniaz, errusieraz, alemanez eta italieraz irakur daitezke bere liburuak.

Harremanetan jarri

Harkaitz Cano Jauregi idazlearen beste liburu batzuk

El mundo está roto pero se puede caminar

Mundua pitzatuta dago baina hantxe gabiltza oinez

Sylvia Plath

1932 Boston (AEB) - 1963 Londres (Ingalaterra)

Zortzi urterekin argitaratu zuen lehen poema, aldizkari batean. Ordutik aurrera, ez zion argitaratzeari utzi, eta sari andana jaso zuen gaztetarik. Bereziki ezaguna da bere obra poetikoa, irudi zorrotz eta bortitzez betea, nahiz eta bizi artean bi liburu baizik ez zituen argitaratu: The Colossus and Other Poems (1960) poema-bilduma eta, ezizenez, The Bell Jar (1963) eleberria hain zuzen. Poesia konfesionala esaten zaion joeraren barrenean kokatzen da, Anne Sexton eta Allen Ginsberg estatubatuarren eta Alda Merini italiarrarekin batera, beste batzuen artean. Idazle izateaz gainera, Cambridgeko unibertsitatean irakasle izan zen, Ted Hugh senar eta poetaren editorea eta bi umeren ama. Hogeita hamar urte zituela, bere buruaz beste egin zuen. 1982an, hil ondorengo Pulitzer saria eman zioten The Collected Poems lanagatik.